|
آشیق داستانلاری ایکی یئره بؤلونور، قهرمانلیق داستانلاری و مَحبت داستانلاری. «آشیق غریب ایله شاه صنم»-ین داستانی دا مَحبت داستانلاریندان ساییلیر. «آشیق حسین ساعی» بو کیتابدا بو اسکی داستانی شعر و نثر ایله بیر کیتابدا توپلاییب، و آشیق داستانلارین سئونلره حاضیرلاییبدیر. بو داستان تخمینا صفوی لر زامانیندا یارانیبسا دا اونون ایزلری چوخ اسکی لره چاتیر. نئجه کی بو داستانین ایزلری دده قورقود داستانلارینین بیری، بامسی بئیرک بویوندا گؤره بیلرسیز. بو کیتابین مقدمه سینده بو موضوعدا گئنیش دانیشیلیبدیر. کیتاب، مقدمه ایله باشلاییب، «حقیقت نامه» آدیندا شعر ایله دوام ائدیر و «آشیق غریب ایله شاه صنم داستانی»ایله باشا چاتیر.
آشیق غریب ایله شاه صنم توپلایان : آشیق حسین ساعی یایین ائوی : یاز یاییم تاریخی: ۱۳۸۸ دیل : تورکجه قیمت : ۲۰۰۰ تومن نوشته شده در معرفی کتاب | بدون نظر » بو کیتاب بیر موضوع دا یازیلماییب. دئمک اولار «دوکتور حسین فیض الهی وحید»ین ایللر بویو چئشیدلی قونولاردا یازدیغی و آراشدیردیغی مقاله لرین توپلوسودور. مقاله لرین چوخو ایلگی چکن موضوع لاردا یازیلیبلار. داها دئمک اولار بو مقاله لری بو کیتاب دان سونرا باشقا یئرده تاپا بیلمزسینیز. کیتابین آدیندان بللی دیر کی میللی قهرمانیمیز بابکین بو کیتابدا اؤزل بیر یئری واردیر . کیتابین ایلک بؤلوم لری اونون حیاتی، ساواشلاری و کیم اولدوغونون اوزرینده دایانیر. اونلارین شیعه اولدوغو، ندن خرمدین آدلانمالاری و ندن قیرمیزی رنگی سئچمه لری بو کیتابدا آچیقلانیر. کیتابین باشقا مقاله لری دده قورقود بویلارینا گؤره (تپه گؤز بویو، آمریکا اسیرلری له دده قورقود دا گلن مناسبت لرو …)، پئیغمبرلر و جهاد ائله ین لر ( ایبراهیم پئیغمبرین قادین لارینین تورک اولماسی، بیر تورکون اوخ آتماسی نئجه جهادین سرنوشتین دیییشیر، نئجه بیر اردبیللی استانبولون فتحینه باعیث اولور)، فولکلور ( سوت گؤلو هاردادیر، قیزیل آلما نه دیر، فرانسه نین آدلیم شاعرینین تورکجه شعرلری، ندن قارغا خبر گتیرر) و بیر طنز مقاله یه شامیل اولور. بوجور دییشیک مقاله لرین یازیلماسی تکجه دکتر فیض الهی نین الیندن گله بیلردی.
سرخ جامگان یازار : دوکتور حسین فیض الهی وحید یایین ائوی : هاشمی سودمند یاییم تاریخی : ۱۳۸۸ دیل : فارسجا قیمت : ۳۵۰۰ تومن نوشته شده در معرفی کتاب | ۲ نظرات » اصلان پاشانین یازدیغی حیکایه لردن اوخوموش دا اولا بیلرسینیز، اوخومامیش دا اولا بیلرسینیز. اوخوموش اولسانیز بو کیتاب اونون سیزه یازمیش ان کئیفلی کیتابلاریندان اولا بیلر. اوخومامیش اولسانیز دا بو کیتاب بیر یاخشی باشلانیش ساییلیر. سیز بو کیتابی اوخویاندان سونرا اصلان پاشانین باشقا کیتابلارین آختاراجاقسیز. حیکایه لرین فارسجا یازیلماسینا رغمن آدلار و عنصرلر تام آذربایجان آنلاملارین داشی ییر. بونا گؤره بو کیتابی اوخویان، یازارینی تانیماسادا اونون آذربایجانلی اولدوغون بیله جکدیر. بو آذربایجانلیلیق کیتابین بوتون پاراگرافلاریندا گؤرسه نیر. اصلان پاشا حیکایه لرینین شخصیت لرینده ائله آدلاردان فایدالانیب کی چتین فیکره گلیب و حیکایه لرده ایشله نرلر. مثلن؛ آلچالی، گؤورچین خانم، غار دامجی بولاغ، عمو جوشقون، گول آنا، بایندرخان، قاراگؤز، گیله نار و آقای آل وئرچی بو آدلاردان دیلار. کیتابین حیکایه لری «آل لار» و اونلارلا اصلان پاشانین و اونون شخصیت لرینین ایلیشگی لری دیر. بعضی حیکایه لرده اصلان پاشا اؤزو حیکایه نین اصلی شخصیتی اولور. کیتابدا ۱۵ حیکایه واردیر. سون حیکایه یازار ایله رحمتلیک غلامحسین ساعدی نین بیر اورتاق خاطیره سی اوزرینه یازیلیبدیر. آلابولاها یازار : اصلان پاشا یایین ائوی : مینا یاییم تاریخی : ۱۳۸۸ ( ایکینجی چاپ ) دیل : فارسجا قیمت : ۳۰۰۰ تومن نوشته شده در معرفی کتاب | یک نظر » |
